Mjesec dana nakon havarije, isplovio Sveti Stefan II

Sveti Stefan 2
Sveti Stefan 2

U nedjelju je, nakon skoro mjesec dana pauze, iz Bara na “vijađo” ka Bariju isplovio brod “Barske plovidbe” – “Sveti Stefan II”.

Brod je pretrpio havariju u Kotoru, nakon čega je popravljen u brodogradilištu Bijela.

Tog 14. maja, “Sveti Stefan II“ je, pod zapovjedništvom kapetana Predraga Vešovića, u Kotor doplovio iz Dubrovnika, vozeći 270 stranih turista na posebnom aranžmanu, a trebalo je da ih nakon posjete Boki, doveze u Bar. Dok je feribot bio u tzv. mediteranskom vezu sa oborenim sidrima na pramcu i krmom koja je konopima bila vezana na obalu na Luži, zanio ga je iznenadni jaki udar vjetra, a konopi nisu izdržali naprezanje i popucali su.

Brod je pritom pretrpio oštećenja na velikoj krmenoj hidrauličnoj rampi, koja je bila spuštena na obalu. Rampa je bila iskrivljena, oštećen dio mehanizma za njeno podizanje, i pokidane veze koje je “drže“ na desnom dijelu, zbog čega je ostala da visi djelimično čak i ispod nivoa vodene linije broda na krmi.

Nakon opravke, sertifikat o sposobnosti za plovidbu dao je inspektor klasifikacionog društva.

Brod “Sveti Stefan II” po ustaljenom redu vožnje polazi iz Bara utorkom, četvrtkom i nedjleljom u 22:30, a iz Barija je povratak ponedjeljkom, srijedom i petkom u isto vrijeme.

Izvorwww. barinfo.me
Podijeli

Ostavite komentar

 

Komentari se na portalu objavljuju u realnom vremenu i "Boka News" se ne može smatrati odgovornim za napisano.
Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama.