Vjetar razbuktao požar u reonu Krašića

Brojni pozari i dim oko Krasica

Zbog jakog vjetra požar u reonu Krašića razbuktao se oko 14 sati.

Vatra gori na dijelu od Krašića prema Petrovićima i Zabrđu.

Kako javljaju čitaoci vatra je stigla do same obale zbog čega je put blokiran.

Na terenu svu sva raspoloživa vozila i ljudstvo Službe zaštite i spašavanja Opštine Tivat i Dobrovoljnog vatrogasnog društva “Krtoli”.

Vatrogasci, kojima pomažu mještani i privatnici sa autocisternama, ulažu maksimalne napore da spriječe da vatra pređe lokalni put od Krašića prema Rosama i na taj način ugrozi zapadni dio Krašića.

Herceg Novi: Požar iznad Španjole i naselja Topla 2

Požar u blizini hercegnovskog naselja Topla 2 i tvrđave Španjola koji je primjećen oko 14 sati i 20 minuta, stavljen je pod kontrolu.

„Na terenu su tri naše cistjerne , jedna gradske Čistoće, tri su nam na raspolaganje stavili novski privrednici, a u pomoć su nam došle i kolege iz Perasta“, kaže načelnih Službe zaštite i spašavanja Zlatko Ćirović. Ističe da je vatra došla blizu jedne kuće, ali da sada nije ugrožen nijedan objekat. Nada se da će vatra biti uskoro ugašena.

IzvorS.L
Podijeli

Ostavite komentar

 

Komentari se na portalu objavljuju u realnom vremenu i "Boka News" se ne može smatrati odgovornim za napisano.
Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama.