Prvo mjesto u julskom kolu popularne nagredne igre „Ulov mjeseca“ koju za sportske ribolovce na Crnogorskom primorju organizuje kompanija za proizvodnju i promet ribomaterijala i opreme za more „Una“ iz Tivta, i nagradni vaučer u iznosu od 50 eura dobio je Nikola Lučić.
On je na otvorenom moru na udaljenosti 6 milja od obale, ulovio tunu težine 56 kilograma. Kao mamac je korištena plava riba, a u borbi do izvlačenja tune na čamac koja je trajala 90 minuta, učestovali su trojica ribara Nebojša Barižon, Nikola Ivetić i Nikola Lučić.
Drugo mjesto u julskom kolu “Ulova mjeseca” pripalo je Iliji Purliji sa gofom od 30 kilograma koga je on ulovio podvodnom puškom na čeku, na dubini od 11 metara.
Treće mjesto osvojio je Marko Dabović sa gofom težine 27 kilograma. Gof je ulovljen na štap iz čamca, kod rta Volujice, a mamac je bila živa skuša.
