Prvo mjesto u julskom kolu nagradne igre „Ulov mjeseca“ koju za sportske ribolovce na Crnogorskom primorju priređuje kompanija za proizvodnju i promet ribomaterijala i opreme za more „Una“ iz Tivta, pripalo je Perici Dabanoviću iz Bara, za ulovljenog gofa težine 17 kilograma. Član KSR „Pristan“ iz Bara, Perica Dabanović gofa-kapitalca, ulovio je štapom iz usidrenog čamca, na dubini od 35 metara, oko pola milje od obale.
Istom metodom Ilija Matković iz Tivta je na hridi Albaneze u blizini Bigove, ulovio zubaca težine 6,5 kilograa za koga mu je pripalo drugo mjesto u julskom kolu ove nagradne igre.
Treći je bio Marko Frančešković koji je ulovio brancina težine 4 kilograma.
