Estradne zvijezde 1.januara imaće razloga za zadovoljstvo

Budva - Doček Nove godine 2015
Budva – Doček Nove godine

Dok su se proteklih godina nastupi za najluđu noć naplaćivali i za najluđe iznose, honorari muzičkih zvijezda za predstojeći doček 2016. uglavnom se svode na nešto niže iznose, a samo u izuzetnim situacijama, kada su u pitanju zaista najveće zvijezde, poput, Čolića, Severine, Gibonnija i Olivera Dragojevića, može se pronaći trag nekadašnjih cijena.

Severina na Stradunu, Gibonni u Budvi 1. janura te Oliver u Puli navodno će za svoje nastupe primiti 50.000 eura. Pojedini mediji su prenjeli su da će Zdravko Čolić za nastup u Budvi dobiti 100.000 eura, što nam iz TO Budve nisu mogli potvrditi jer je taj podatak zaštićen ugovorom. Ipak prema nezvaničnim informacijama doznajemo da bi taj iznos mogao biti 70.000 eura. Inače doček Nove godine ispre zidina Starog grada Bude, sa vatrometom, koštati će 215.000 eur-a, najskuplji a kažu i najbolji u regionu.

Na Hvaru će, priča se, 40.000 eura za svoj novogodišnji nastup dobiti Bajaga, a za nešto manju svotu u Poreču pjevat će Jelena Rozga. Upućeni kažu da njezin honorar iznosi 30.000 eura, a takav iznos dobit će i njezina kolegica Nina Badrić za novogodišnji doček na glavnom zagrebačkom trgu. Tu bi svotu novca trebali podijeliti Mladen Grdović i Jasmin Stavros, a u Novu godinu pjesmom će uvesti Mostarce.

Pet hiljada eura manje navodno će u trogirskoj najluđoj noći dobiti Dražen Zečić i Mate Bulić dok za 20.000 eura, priča se, nastupaju rock snage Prljavo kazalište u Šibeniku, Parni valjak u Rovinju te Opća opasnost u Varaždinu.

Maja Šuput na silvestarsku će noć nastupiti u vodičkom hotelu, a za taj je nastup navodno tražila i dobila honorar kao i njezine rokerske kolege, 20.000 eura. Isti bi iznos trebala dobiti i Vanna, a pjevat će za publiku u Dubrovniku.

TO Budva
TO Budva

Nešto manju svotu novca, oko 15.000 eura, navodno će dobiti Psihomodo pop za svoj nastup na splitskoj Rivi. Ista svota spominje se u slučaju grupe TBF, a jednako bi mogla dobiti i grupa Vatra za svoj nastup na zagrebačkom trgu, kao i Neno Belan i Hladno pivo, koji će u novogodišnjoj noći zabavljati Riječane na Korzu.

Urban i Massimo, doznajemo, još pregovaraju o svojim novogodišnjim nastupima.

Bilo kako bilo, estradne zvijezde prvog januara imat će hiljadu razloga za zadovoljstvo

Ostavite komentar

 

Komentari se na portalu objavljuju u realnom vremenu i "Boka News" se ne može smatrati odgovornim za napisano.
Zabranjen je govor mržnje, psovanje, vrijeđanje i klevetanje. Takav sadržaj će biti izbrisan čim bude primijećen, a autori mogu biti prijavljeni nadležnim institucijama.